Ceremoni madhështore u realizua në hapje të “Euro 2024” në Gjermani në stadiumin “Allianz Arena” ku u hap Kampionati Evropian.

Para se Gjermania dhe Skocia të dilnin në fushë, trofeu u soll në stadium. Fillmisht u kujtua legjenda e futbollit Franz Beckenbauer , i cili vdiq në janar, ku e veja e tij Heidi Beckenbauer solli trofeun (me peshë 8 kilogramë) në fushë.

Ajo u shoqërua nga Jurgen Klinsmann, i cili ishte kapiten i ekipit të DFB-së për titullin e Kampionatit Evropian në Angli në 1996, dhe Bernhard Dietz, kapiteni i ekipit kampion evropian të vitit 1980.

Valltarët vendosën një koreografi të vërtetë me veshje të ndryshme, duke treguar ngjyrat e kombëtareve pjesëmarrëse të Kampionatit Evropian.

Një koreografi e bukur me ngjyra shtrihet në të gjithë tribunat ku edhe spektatorët ishin pjesëmarrës në të gjithë arenën.