Ndër zhgënjimet e këtij fillimi të sezonit 2026 është Red Bull. Ekipi i Milton Keynes, përveç performancës së shpejtë të Isaac Hadjar në kualifikimet e Melburnit, nuk ka hyrë kurrë në renditjen e nivelit të lartë. 16 pikët e tyre deri më tani tregojnë mungesë konkurrueshmërie që nuk mund t’i atribuohet as njësisë së tyre të fuqisë fillestare.

RB22 ishte mbipeshë dhe i mungonte performanca mekanike dhe aerodinamike. Në Majami, makina do të rinovohet dhe lehtësohet ndjeshëm (pesha është  përgjysmuar nga 12 në 6-7 kilogramë). Madje edhe një version i krahut të pasmë të Ferrari, “alla Macarena” i prodhuar në Milton Keynes gjithashtu mund të debutojë.

Max Verstappen shpreson të jetë më afër Mercedes, Ferrari dhe McLaren falë karakteristikave të reja të testuara gjatë ditës së xhirimeve në Silverstone. “Silverstone ishte një ditë e mirë. Është gjithmonë mirë të takohesh me ekipin përpara një eventi të ri”, tha holandezi.

“Ekipi punoi shumë për të kuptuar se çfarë mund të përmirësojmë me makinën. Jam shumë I emocionuar të shoh se çfarë mund të arrijmë në Majami dhe shpresoj se mund t’i afrohemi pak më shumë tri ekipeve të para“, deklaroi 4 herë kampioni i botës në Formula 1, Max Verstappen.