Më 22 tetor 2006, Fernando Alonso fitoi titullin e dytë botëror në Formula 1, pas garës për Çmimin e Madh të Brazilit, ndërsa Michael Schumacher i dha fund karrierës së tij si pilot i Ferrarit.

Schumacher e nisi garën nga vendi i dhjetë për shkak të problemeve teknike, por pas një rikuperimi mbresëlënës përfundoi i katërti. Fitorja në Brazil i takoi Felipe Massas, ndërsa Alonso siguroi titullin e kampionit të botës.

Spanjolli e përshkroi përfundimin e aventurës me Renault-n si fantastik, përpara kalimit te McLaren në vitin 2007.

Schumacher u rikthye në Formula 1 me Mercedesin nga viti 2010 deri në vitin 2012. Megjithatë, në dhjetor të vitit 2013, ai pësoi lëndime të rënda në një aksident gjatë skijimit dhe që atëherë nuk është shfaqur më në publik.

22 tetori 2006 mbetet një ditë historike për F1, kur Alonso festoi titullin e dytë, ndërsa Schumacher mbylli një kapitull të madh të karrierës së tij.