Piloti amerikan Colton Herta ka lënë kampionatin IndyCar për t’u bërë pilot testues i ekipit Cadillac në Formula 1, që do të debutojë në vitin 2026. Kjo është parë si një mundësi e rrallë për SHBA-në që të ketë një pilot konkurrues në F1 dhe të forcojë më tej prezencën amerikane në sport.

Për të siguruar superlicencën, Herta do të garojë në Formula 2 sezonin e ardhshëm,  një sakrificë e madhe pasi ai ishte një nga pilotët kryesorë në IndyCar. Por ai beson në aftësitë e tij dhe shpreson të fitojë një vend të përhershëm në F1.

Sipas ekspertëve, suksesi i Herta-s do të ishte kyç për tërheqjen e audiencës amerikane në F1, sidomos kur përkrahja vjen edhe nga marka amerikane Cadillac. Megjithatë, sfidat janë të shumta, dhe gjithçka do të varet nga rezultatet që ai do të arrijë në F2 dhe më pas në F1.