Të premten parashikohet mot me diell dhe jashtëzakonisht i nxehtë. Gjatë ditës, në pjesën perëndimore priten edhe vranësira të pjesshme.

Sipas MeteoKosova, era do të fryjë drejtimesh të ndryshme me shpejtësi prej 10-33 km/h, përcjell AutoPortali.

Temperaturat minimale do të lëvizin prej 15 deri në 18°C, ndërsa ato maksimale prej 35 deri në 37°C.

Kujdes! Rrezik i mundshëm i dehidrimit dhe goditjes nga nxehtësia nëse qëndroni jashtë për periudha të gjata kohore.