Benfica mposhti Farense me rezultat 2–0 në udhëtim, në kuadër të raundit të 1/8 së finales të Kupës së Portugalisë.

Me këtë fitore, skuadra e drejtuar nga Jose Mourinho e zgjati serinë e saj të pamposhtur në tetë ndeshje, gjatë së cilës ka regjistruar gjashtë fitore dhe dy barazime.

Klubi nga Lisbona do të rikthehet në aksion më 22 dhjetor, kur do të përballet me Famalicão në kuadër të kampionatit portugez.

Aktualisht, Benfica renditet në vendin e tretë në Primeira Liga me 32 pikë pas 14 ndeshjesh, tri pikë prapa Sportingut dhe tetë pikë më pak se lideri Porto.

Nën drejtimin e Mourinhos, Benfica ka zhvilluar deri tani 19 ndeshje në të gjitha garat, duke regjistruar 12 fitore, katër barazime dhe tri humbje. /AutoPortali