Në një hap të rëndësishëm për përmirësimin e infrastrukturës urbane, sot kanë nisur punimet për riparimin dhe asfaltimin e pjesëve të dëmtuara brenda Stacionit të Autobusëve në Prishtinë. Ky projekt synon të krijojë kushte më të mira për të gjithë përdoruesit e këtij stacioni, duke siguruar një qarkullim më të lehtë, të sigurt dhe më të rehatshëm.

Në kuadër të këtyre ndërhyrjeve, autoritetet kanë apeluar te qytetarët dhe udhëtarët që të tregojnë kujdes dhe të respektojnë sinjalizimin dhe udhëzimet gjatë kohës së realizimit të punimeve, për shkak të sigurisë së tyre dhe stafit punues, shkruan AutoPortali.

Punimet pritet të ndikojnë pozitivisht në cilësinë e shërbimeve dhe në përmirësimin e imazhit të Stacionit të Autobusëve, një nga nyjet kryesore të transportit publik në kryeqytet. Autoritetet falënderojnë qytetarët për mirëkuptimin dhe bashkëpunimin gjatë këtij procesi.