Nga fitorja e parë e Fermin Aldeguer, tek dëmtimi i rëndë i Marc Marquez dhe strategjia e çuditshme e Ducati-t në PR, gara e Indonezisë ishte një nga më të pazakontat e sezonit 2025 në MotoGP.
Fitues: Fermin Aldeguer
Rookies-i i Gresini-t fitoi garën e parë në MotoGP me dominim të plotë. Ishte më i shpejti me Ducati dhe u bë fituesi i dytë më i ri në histori, pas Marc Marquez.
Humbës: Marc Marquez
Vetëm një javë pas fitimit të titullit, Marquez u rrëzua në kthesën 7 pas kontaktit me Bezzecchi dhe theu shpatullën. Një fundjavë për t’u harruar.
Fitues: Pedro Acosta
Menaxhoi garën në mënyrë të zgjuar, përfitoi nga gabimet e rivalëve dhe përfundoi i dyti, performanca më e mirë e tij këtë sezon.
Humbës: Bagnaia dhe Ducati
Pas fitores në Japoni, Bagnaia dështoi plotësisht në Indonezi. Thashethemet për testime të paligjshme dhe mungesë ritmi çuan në rrëzim dhe largim nga media pas garës.
Fitues: Brad Binder
Pas një sezoni të dobët, një ndryshim në setup e ndihmoi të ngjitej nga vendi i 15-të në të 4-tin, rikthim i rëndësishëm për KTM-në.
Humbës: Aprilia dhe Bezzecchi
Pas një pole dominues dhe fitores në sprint, Bezzecchi u përplas me Márquez në garën kryesore dhe eliminoi veten dhe rivalin. Aprilia humbi një shans të madh për fitore.
