“Fantazisti” i krahut të djathtë të fushës, Jeremie Frimpong është duke shkëlqyer, tek “aspirinat” e Bayer Leverkusen dhe kjo ka ngjallur interesin e disa “gjigantëve” të futbollit evropian, si Real Madrid, Manchester United e së fundmi edhe disa klube të tjera.

Chelsea, Arsenal, Bayern Munich e Manchester City po kërkojnë të lëvizin shpejt në këtë  operacion, pasi kërkojnë të firmosin me lojtarin që në muajin janar, por përveç konkurrencës me dy klubet e tjera, “gjigantët” ka hasur edhe në vendimin e lojtarit, me Frimpong që nuk dëshiron të lëviz në afatin kalimtar të dimrit.

Për kartonin e tij, Leverkusen mendohet se kërkon minimalisht 60-70 milionë euro, por deri në verë ndoshta ky çmim mund të rritet, por edhe të ulet, në varësi të performancave të lojtarit, që deri më tani kanë qenë fantastike.