Sulmuesi i Borussia Dortmundit dhe i Kombëtares gjermane, Niclas Fullkrug, është vlerësuar shumë që nga fillimi i Kampionatit Evropian: dy gola në tri ndeshje (kundër Skocisë dhe Zvicrës) dhe gjithmonë aktivizohet nga banka e rezervistëve.

Goli më me peshë ishte ai në minutën e 92-të kundër zviceranëve (1-1) që i lejoi Gjermanisë të kalonte në raundin e 1/8-ave si lidere e grupit A.

Megjithatë, kur përshkruan momentin e tij madhështor në kombëtare, Fullkrug ka qëndruar gjithmonë i përulur dhe i sinqertë ndaj vetes.

“Nuk kam asnjë sekret. Nuk jam mësuar të nis nga bankina te Borussia Dortmundit, por është e rëndësishme të sjell energji në fushë”, duke vazhduar në fazën tjetër me ekipin e trajnerit Nagelsmann.

“Nuk ishte një gol që na shpëtoi nga eliminimi, por na ndryshoi rrugën. Në parim do të kemi kundërshtarë më pak të fortë se nëse do të kishim dalë të dytët”.

“Sidoqoftë, çdo skuadër ka pikat e veta të forta dhe nëse duam të bëhemi kampionë të Evropës, duhet t’i mundim të gjithë. Por duhet të shikojmë veten”, shpjegoi 31-vjeçari gjerman për Marca.