Shtatzënia është një periudhë e veçantë në jetën e një gruaje dhe shumë e arsyeshme, por ka disa rregulla të caktuara dhe të rëndësishme që përcaktojnë, çfarë ju duhet të bëni dhe mos të bëni në jetën e përditshme.

Megjithëse, siç thonë mjekët, “çdo shtatzëni është një rast unik”, ngarja e makinës nga një grua shtatzënë është një nga aktivitetet që lejohen. Së paku deri në muajin e 6-të.

Gjithsesi nën dy kushte…

Të ndjeheni 100% e rehatshme me idenë e ngarjes (vozitjes).
Të ndiqni rreptësisht rregullat e sigurisë rrugore.
Përndryshe, siç tregojnë anketat, gratë shtatzëna janë shumë më të kujdesshme kur ngasin në rrugë dhe dinë se si të mbrojnë mirë veten e tyre.

Prandaj këshilla e mëposhtme ka të bëjë me lëvizjen e përditshme dhe të sigurt të një mami të ardhshëm me makinë.

Këshilla parandaluese për shoferet shtatzëna

Fillimisht, pasi ta merrni lajmin e mirë të shtatzënisë, është e këshillueshme që të vendosni një tabelë paralajmëruese në dritaren e pasme të veturës për të treguar gjendjen e shoferit. Mund të mos jetë zgjidhja e problemit, megjithatë për shkaqe parandaluese, do të ishte mirë ta kishit atë.

Gjatë shtatzënisë ju mund të dëgjoni nga të njohurit tuaj që të fikni airbag-et (jastëkët e ajrit) të makinës. Mos e bëj! Nëse jeni përfshiheni në një aksident (larg qofte), me airbag-et ju do të jeni shumë më e sigurt dhe nuk do të rrezikoni të godisni kokën ose barkun. Airbagu duhet gjithmonë të jetë i ndezur!

Kur mbizotërojnë kushtet ekstreme të motit, është mirë të qëndroni në shtëpi dhe të mos ngisni makinën nëse nuk ka ndonjë arsye të rëndësishme.

Gjithmonë mbani telefonin tuaj celular me vete dhe “ruani” te kontaktet tuaja të gjitha telefonat e dobishme në rast emergjence, siç janë telefoni i gjinekologut, reparti i lindjes, ndihma në rrugë etj.

Kujdesuni që mos të lini sabratorin e karburantit të zbrazët plotësisht. Është mirë që gjithmonë të keni karburant të mjaftueshëm në veturë, veçanërisht gjatë muajve të dimrit.

Sigurohuni që makina që drejtoni është në gjendje të përsosur mekanike dhe se është bërë mirëmbajtja e planifikuar sipas standardeve të prodhuesit!

Gomat duhet të jenë “të reja” dhe në gjendje të përsosur! Nëse nuk janë, sigurohuni që t’i zëvendësoni menjëherë!

Këshilla vozitjeje për gratë shtatzëna

Ndenjësja e shoferit duhet të rregullohet në mënyrë të tillë që;

Të ndjeheni rehat
Të keni shikueshmëri të plotë rreth makinës dhe
Të jetë në një distancë të sigurt nga timoni, në menyrë që barku i fryrë mos ta preki atë.

Rripi sigurimit është thelbësor! Sigurohuni që pjesa horizontale e rripit të jetë nën bark dhe jo mbi të. Përveç kësaj, pjesa vertikale e rripit duhet të kalojë diagonalisht nga shpatulla pa prekur qafën.

Në dimër, para se të futesh në veturë, një ide e mirë është të heqësh xhaketën, pallton ose ndonjë gjë tjetër që kufizon lëvizjen tuaj. Një arsye tjetër për të hequr rrobat e trasha është sepse rripi sigurimit duhet të përshtatet siç duhet në trup dhe të jetë efektiv.

Një jastëk për belin do t’ju bëjë të ndiheni rehat dhe do të zvogëlojë stresin gjatë ngarjes së makinës.

Shmangni rruget që kanë pellgje dhe dëmtime në sipërfaqen e tyre. Vibrimet dhe shtrëngimet nuk janë gjëra të mira gjatë shtatzënisë.

Ngarja shumë-orëshe dhe moslëvizja absolute në një grua shtatzanë rrit ënjtjen dhe mundësinë e trombozës. Pra, nëse bëni një udhëtim, kujdesuni që çdo 1 orë të bëni një pushim për tu shplodhur. Ecja është zgjidhja më e mirë!

Mos u grindni në rrugë! Nervat tuaja mund të jenë të ndjeshme gjatë periudhës së shtatzënisë, por mos harroni se zënkat, të bërtiturat dhe tensionet emocionale shqetësojnë embrionin në barkun tuaj./Autobox.al/