Përfaqësuesja e Kosovës sot e zhvillon ndeshjen miqësore ndaj Norvegjisë.

Dardanët do të luajnë në udhëtim te Norvegjia, në ndeshjen e vetme miqësore të organizuar për këtë muaj, në datat e lira të FIFA-s.

Ekipi i Franco Fodas ka bërë të gjitha përgatitjet gjatë një jave punë në Kosovë dhe dje pasdite ka arritur në Oslo.

Në konferencën për media, Foda ka deklaruar se ekipi i tij është maksimalisht i përgatitur për paraqitje të mirë ndaj ekipit nordik.

Kjo ndeshje zhvillohet në ‘Ullevaal Ostadion’ të Oslos me fillim nga ora 19:00.