Toto Wolff ka deklaruar se kufiri buxhetor në Formula 1 e ka kthyer kampionatin në një “meritokraci” dhe ka ndaluar një “garë armatimesh”, duke i mundësuar McLaren-it të fitojë titullin botëror për herë të parë që nga viti 2008.

Lando Norris mposhti Max Verstappen dhe shokun e skuadrës Oscar Piastri, duke ndërprerë dominimin 15-vjeçar të Red Bull-it dhe Mercedesit.

Sipas Wolff, nëse nuk do të kishte kufi buxhetor, ekipet e pasura si Red Bull, Ferrari e Mercedes do të vazhdonin të shpenzonin shumë më tepër se të tjerët, dhe McLaren nuk do të kishte qenë në garë për titull.

Ai tha se tani “fiton njeriu më i mirë me makinën më të mirë  dhe këtë vit nuk ishim ne”.

Edhe Norris vlerësoi sistemin aktual, duke theksuar se McLaren i ka tejkaluar rivalët në zhvillim, pavarësisht kufizimeve të tunelit të erës dhe buxhetit. Ai tha se progresi i McLaren-it në tre vitet e fundit ka qenë i jashtëzakonshëm dhe se kufiri buxhetor u ka shkuar në favor.