Në ambientet e Federatës së Futbollit të Kosovës (FFK) është bërë hedhja e shortit për çiftet e gjysmëfinaleve të Kupës së Kosovës.

Gara ka hyrë në një fazë të nxehtë ku kanë mbetur vetëm katër skuadra: Ballkani, Drita, Prishtina dhe Suhareka.

Tashmë janë mësuar çiftet e gjysmëfinaleve, të cilat do të zhvillohen me sistemin vajtje-ardhje.

Në ndeshjen e parë do të luhet derbi lokal mes Suharekës dhe Ballkanit.

Megjithatë, në ndeshjen e dytë do të jetë më interesant pasi do të ndeshen  dy rivalë të fortë si Drita dhe Prishtina.

Deri më tani Prishtina dhe Drita janë takuar tri herë në garat e Kupës dhe në të tria rastet ka fituar skuadra kryeqytetase.

Ndeshjet e para do të zhvillohen më 3 prill, ndërsa ato kthyese më 17 prill.