Rregulli i dorës së djathtë kërkon që në kryqëzime pa sinjalizim, shoferi t’i japë përparësi automjetit që i afrohet nga e djathta. Gjithashtu, në kthim majtas, duhet t’i lihet përparësi automjetit që vjen përballë dhe vazhdon drejt ose kthen djathtas, përveç nëse shenjat tregojnë ndryshe.

Përjashtimet përfshijnë automjetet që lëvizin mbi shina  ato gjithmonë kanë përparësi, pavarësisht drejtimit. Po ashtu, shoferët që hyjnë në një rrugë me përparësi duhet të lëshojnë automjetet që lëvizin aty. Rregulli vlen edhe nëse rruga nuk ka shenjë, por dallon për nga ndërtimi (p.sh., trotuar modern). Nëse kalohet një shteg biçikletash gjatë kthimit, shoferi duhet të japë përparësi biçikletave, shkruan Hak, transmeton AutoPortali.

Rasti konkret: Në një kryqëzim pa sinjalizim, një automjet në një rrugë qarku u përplas me një automjet nga e djathta që vinte nga një rrugë pa emër. Gjykata e kundërvajtjeve e shpalli shoferin në rrugën qarku fajtor, por Gjykata Supreme e Kroacisë vendosi ndryshe: fakti që një rrugë është e paklasifikuar nuk e përjashton rëndësinë e rrugës tjetër. Rruga qarku, me funksion lidhës ndërmjet qarqeve, konsiderohet më e rëndësishme dhe ka përparësi, edhe pa sinjalizim. Po ashtu, pasqyrat e trafikut në rrugët dytësore janë një tregues i qartë që duhet respektuar nga shoferët.

Përfundimi: Nuk mjafton të shikosh drejtimin e automjetit tjetër rëndësia e rrugës dhe sinjalet ndihmëse (si pasqyrat apo struktura e rrugës) janë thelbësore. Dhe një vendim në një procedurë kundërvajtjeje nuk është përfundimtar për dëmshpërblim në gjykatë civile mund të arrihet në një përfundim krejt tjetër.