Marc Marquez dhe Pedro Acosta kanë minimizuar spekulimet për një rivalitet të fortë mes tyre, pasi sezonin e ardhshëm do të jenë shokë skuadre te ekipi zyrtar i Ducati në MotoGP.

Ducati konfirmoi se Acosta do të zëvendësojë Francesco Bagnaian në vitin 2027, duke formuar një dyshe yjesh me kampionin në fuqi, Marquez.

Marquez e vlerësoi Acostën si një nga pilotët më të mirë në treg, duke thënë se ai është i shpejtë, i ri dhe do të jetë konkurrues që në fillim. Megjithatë, ai theksoi se nuk dëshiron të flasë më shumë për këtë, nga respekti për bashkëskuadrorin aktual, Bagnaia.

Nga ana tjetër, Acosta tha se është nder të garojë përkrah Marquezit dhe se synon të mësojë nga përvoja e nëntë herë kampionit të botës. Ai shtoi se marrëdhënia mes tyre do të jetë profesionale dhe se një rivalitet i vërtetë lind vetëm kur dy pilotë luftojnë për titullin kampion.

“Për momentin nuk ka rivalitet,” përfundoi Acosta.