Legjenda e MotoGP, Giacomo Agostini, ka shprehur mbështetjen e tij për rregulloren e re që do të hyjë në fuqi në vitin 2027, duke theksuar se këto ndryshime do ta rikthejnë fokusin te aftësia e pilotit.

Ai është veçanërisht kritik ndaj aerodinamikës moderne, duke thënë se “krahët i përkasin avionëve, jo motorëve”. Sipas tij, reduktimi i elementeve aerodinamike dhe teknologjisë do të krijojë gara më të pastra dhe më konkurruese.

Rregullat e reja përfshijnë motorë më të vegjël 850cc (nga 1000cc), kufizime më të forta në aerodinamikë dhe ndalimin e disa pajisjeve si sistemet e kontrollit të lartësisë. Qëllimi është të rritet siguria dhe të ketë më shumë parakalime në pistë.

Agostini beson se këto ndryshime do të balancojnë më mirë rolin mes makinës dhe pilotit, duke e bërë sportin më tërheqës për tifozët.