Viti 2026 sjell ndryshimet më të mëdha teknike në historinë e F1: rishikim të plotë të shasisë, motorëve dhe aerodinamikës. Kjo e bën shumë të pasigurt se kush do të jetë favorit. Nico Rosberg mendon se Max Verstappen nuk do të luftojë për titullin sezonin e ardhshëm, por do të presë vitin 2027 për të zgjedhur ekipin më konkurrues, ndërsa Norris synon të mbrojë titullin e fituar në 2025.

Karakteristikat e reja të bolidëve 2026
Makinat bëhen më të vogla, më të lehta dhe më të ngushta.
Krahu i përparmë më i thjeshtuar, me vetëm dy elemente.
DRS hiqet dhe zëvendësohet nga sistemi MOM, që jep fuqi elektrike shtesë gjatë garës.
Raporti i fuqisë motorike do të jetë 50% motor me djegie – 50% energji elektrike.
MGU-H eliminohet, ndërsa MGU-K dyfishon rikuperimin e energjisë.
Përdorimi i karburantit 100% të qëndrueshëm bëhet i detyrueshëm.

Të tjera ndryshime
Gomat do të jenë më të ngushta dhe mbrojtja e pilotëve rritet.
Rritet buxheti i ekipeve në 215 milionë dollarë.
Sezoni mbetet me 24 gara, Madrid zëvendëson Imolën.

Në F1 futet një ekip i ri: Cadillac, ndërsa Audi merr ekipin Sauber, gjithsej 11 ekipe në start.