Për udhëtarët indianë, viza Schengen është porta hyrëse për të eksploruar Europën, duke mundësuar hyrjen në 29 shtete për një periudhë deri në 90 ditë brenda 180 ditëve.
Siç shkruan Economictimes, për aplikim, kërkohen dokumente standarde si planet e udhëtimit, sigurimi dhe provat financiare.
Aktualisht, tarifa bazë e vizës Schengen është rreth 99 euro për të rriturit dhe 50 euro për fëmijët nga 6 deri në 12 vjeç.
Shuma ndryshon sipas vendit, duke e bërë vizën Schengen më të shtrenjtë në disa shtete.
Përveç kësaj, aplikuesit mund të zgjedhin shërbime shtesë si dërgesë me korrier, njoftime me SMS apo qasje në sallonet premium, të cilat rrisin më tej shpenzimet.
Pasi shumica e ambasadave nuk pranojnë më aplikime të drejtpërdrejta, dorëzimi i dokumenteve përmes VFS është bërë i detyrueshëm. Kjo nënkupton se tarifat e VFS nuk mund të shmangen.
Tarifat sipas shteteve:
- Gjermani: 119.9 €
- Francë: 123.2 €
- Austri: 123.6 €
- Belgjikë: 125.8 €
- Zvicër: 128.2 €
- Portugali: 132.7 €
