RHO Motion specializohet në kërkimin e zinxhirit të furnizimit të prodhimit të automjeteve elektrike, dhe të dhënat e shitjeve janë një faktor kyç në biznesin e kompanisë. Pasi studioi shitjet në shtatë muajt e parë të këtij viti, ata pohojnë se e gjithë bota po blen automjete elektrike me një ritëm më të lartë se vitin e kaluar. Shitjet globale janë rritur me 27 përqind krahasuar me vitin e kaluar, shkruan Hak, transmeton AutoPortali.

U shitën gjithsej 10.7 milionë automjete elektrike, shumica dërrmuese e të cilave, 6.5 milionë, ishin në Kinë. Shitjet e automjeteve elektrike në Evropë u rritën me 30 për qind (2.3 milionë) krahasuar me të njëjtat shtatë muaj në vitin 2024. Amerika e Veriut regjistroi rritjen më të vogël (2 për qind) me vetëm 1 milion automjete të shitura.

Megjithatë, rritja po tregon disa shenja ngadalësimi. Shitjet në Kinë ranë me 13 përqind nga qershori në korrik. Nuk është e qartë se sa nga kjo lidhet me programet e dyshimta të subvencioneve që po hetohen gjithashtu nga autoritetet qeveritare.

Shitjet e automjeteve elektrike nga janari deri në korrik 2025 krahasuar me vitin 2024.

Global: 10.7 milionë, +27%
Kina: 6.5 milionë, +29%
Evropa: 2.3 milionë, +30%
Amerika e Veriut: 1.0 milionë, +2%
Pjesa tjetër e botës: 0.9 milionë, +42%