Edhe pse MotoGP dhe skuadrat ende nuk kanë finalizuar marrëveshjen e re komerciale, shumica e vendeve për sezonin 2027 tashmë janë pothuajse të mbyllura. Nga 22 motorët në grid, 16 prej tyre thuhet se kanë pilotë të konfirmuar.
Deri tani, rinovimi i vetëm zyrtar është ai i Marco Bezzecchi me Aprilia. Gjithashtu, Diogo Moreira dhe Johann Zarco pritet të vazhdojnë me LCR Honda, ndërsa Toprak Razgatlioglu do të mbetet pjesë e Pramac Yamaha.
Te Ducati, Marc Marquez ka kontratë deri në vitin 2028 dhe pritet të ketë në krah Pedro Acosta. Yamaha ka siguruar Jorge Martin, i cili do të garojë së bashku me Ai Ogura.
Fabio Quartararo pritet të udhëheqë projektin e ri të Honda, ndërsa David Alonso konsiderohet favorit për vendin e dytë në skuadrën zyrtare.
Aprilia po përgatit një dyshe interesante me Marco Bezzecchi dhe Francesco Bagnaia, ndërsa KTM synon të bashkojë Alex Marquez me Fabio Di Giannantonio.
Në ekipet satelite, Joan Mir pritet të kalojë te Gresini, ndërsa VR46 po negocion ende për shokun e skuadrës së Fermin Aldeguer. Emrat e përfolur janë Nicola Bulega, Luca Marini dhe Celestino Vietti.
Ndërkohë, Trackhouse synon të transferojë Enea Bastianini, ndërsa Tech3 vazhdon të vlerësojë opsione si Maverick Vinales, Brad Binder dhe Senna Agius.
