Toyota ka nisur testimin e një sistemi të ri në fabrikën e Mazdës në Hiroshima, i cili përdor bateri të përdorura nga automjetet elektrike dhe hibride për të ruajtur dhe menaxhuar energjinë.

Sistemi, i quajtur “Sweep”, përfshin bateri me kimikate dhe gjendje të ndryshme, të lidhura me rrjetin elektrik dhe të menaxhuara nga teknologjia e brendshme e Toyota-s që jep përparësi baterive më të shëndetshme, shkruan Autoweek, transmeton AutoPortali.

Ky projekt, në bashkëpunim me kompaninë energjetike JERA, synon të kontribuojë në neutralitetin e karbonit duke ruajtur energjinë e rinovueshme dhe ulur kostot me ripërdorimin e komponentëve si invertorët.

Sistemi është fleksibël dhe i përshtatshëm për përdorim industrial, duke e bërë atë një hap të rëndësishëm drejt një ekonomie më të qëndrueshme.