Dominimi i Mercedes këtë sezon në Formula 1 duket i fortë. Tri gara dhe po aq fitore, me Kimi Antonellin që kryeson kampionatin përpara shokut të tij të skuadrës George Russell.

Megjithatë, Toto Wolff e di mirë se rivaliteti midis shokëve të ekipit mund të shpërthejë papritur dhe në mënyrat më të këqija të mundshme.

Dhjetë vjet më parë, drejtori i ekipit e përjetoi këtë situatë gjatë duelit mes Lewis Hamilton dhe Nico Rosberg. I acaruar nga mosmarrëveshjet e brendshme, pavarësisht fitoreve të përsëritura, ai miratoi një zgjidhje drastike: kërcënoi të pushonte nga puna pilotët e tij. Ai e zbuloi këtë gjatë një interviste me “The Athletic”.

Asokohe historia nisi me garën e Spanjës, me Rosberg dhe Hamilton që përfunduan duke eliminuar njëri-tjetrin pas një përplasjeje. Situata pothuajse u përsërit në Austri, kur një aksident i dytë e uli Nicon nga vendi i parë në të katërtin, duke e lënë Lewis të merrte fitoren.

Sekuenca e ngjarjeve e shtyu Wolff të reflektonte: “Atë vit, Rosberg dhe Hamilton u përplasën dy herë. Kështu që i pushova nga puna. Kontaktova drejtorin ekzekutiv Dieter Zetsche dhe i kërkova të nënshkruante një dokument. Ai më telefonoi përsëri dhe tha: ‘Po i pushon të dy pilotët?’. Kështu që i shpjegova: ‘Po, përndryshe, ata kurrë nuk do ta kuptojnë sa e rëndësishme është të vendosin interesat e markës dhe të ekipit para interesave të tyre’.”

“Rivaliteti i tyre personal kishte mbizotëruar. Nga konkurrencë e shëndetshme, u shndërrua në armiqësi. Dhe kjo është diçka që unë kurrë nuk do ta kisha lejuar. Ne u dërguam pilotëve një email duke u thënë se ata nuk ishin më pjesë e ekipit për momentin. Disa ditë më vonë, i kontaktuam dhe i ftuam në një takim”, shtoi Wolff.

“Si me çdo gjë në jetë, nuk ka kurrë 100 për qind faj. Mund të jetë 50-50, ndoshta 51-49, apo edhe 70-30. Por unë u shpjegova atyre se nëse do të ndodhte përsëri, njëri prej tyre do të duhej të largohej nga ekipi, dhe unë madje mund të shkarkoja personin e gabuar“, deklaroi Toto Wolff.

Ky mesazh është një paralajmërim ky për Antonelli dhe Russell: “Nuk kemi asnjë problem për momentin, por nëse duhet do të marrim masa konkrete. Ata duhet të kuptojnë se marka vjen para interest personal. Kjo ndikon drejtpërdrejt në jetën e 2,500 njerëzve që punojnë”.