Tri skuadra kosovare zhvillojnë sonte ndeshje të rëndësishme në garat evropiane.

Kampionia Trepça pret Anwil-in në “Minatori” të Mitrovicës (ora 18:30), në kuadër të Grupit J të FIBA Europe Cup.

Të dy ekipet kërkojnë fitoren e parë, pasi kanë pësuar humbje nga PAOK dhe Braunschweig. Mitrovicasit synojnë triumfin e parë para tifozëve në këtë edicion evropian.

Kujtojmë që Anwil-i kishte eliminuar Bashkimin në raundet kualifikuese.

Ndërkohë, Bashkimi përballet me skuadrën franceze Dijon (ora 19:00), po ashtu në kërkim të fitores së parë në Grupin J.

Prizrenasit, që po debutojnë në këtë garë, kanë humbur dy ndeshjet e para ndaj Cibona-s dhe Reggiana-s.

Në anën tjetër, Sigal Prishtina zhvillon ndeshjen e tretë në Ligën ENBL, si mysafire e Slovan Bratislava (ora 19:00).

Bardhekaltrit kanë dy fitore në dy ndeshje ndaj Brussels Basketball (80:75) dhe Gimle Basket (90:79), ndërsa Slovan ka një fitore dhe dy humbje. /AutoPortali