Superkompjuteri i njohur “Football Meets Data” ka publikuar përditësimet më të fundit për gjasat e kualifikimit në fazën tjetër të Conference League, ku Drita e Gjilanit dhe Shkëndija e Tetovës rezultojnë pothuajse të sigurta për të avancuar.

Drita – humbje ndaj AZ Alkmaar, por kualifikimi i sigurt

Drita u mposht 0-3 nga AZ Alkmaar në “Fadil Vokrri”, megjithatë skuadra gjilanase e ka ruajtur pozicionin e saj në renditje.

Me 8 pikë të grumbulluara, Drita renditet në vendin e 19-të dhe sipas superkompjuterit ka 99.96% gjasa për të siguruar një vend mes 24 ekipeve që kalojnë në fazën eliminatore.

Kjo e vendos klubin kosovar në pozitë tepër komode, pasi vetëm një sërë rezultatesh jashtëzakonisht të pafavorshme do ta rrezikonin kualifikimin.

Shkëndija e Tetovës – fitore e madhe dhe shanse të larta

Shkëndija fitoi 2-0 ndaj Slovan Bratislava në Tetovë dhe ka përmirësuar dukshëm pozicionin e saj.

Me 7 pikë të grumbulluara, ekipi renditet në vendin e 21-të dhe ka 95% gjasa për të kaluar tutje, sipas llogaritjeve të “Football Meets Data”.

Forma e mirë dhe rezultati i fundit i kanë dhënë ekipit të Tetovës një shtysë të rëndësishme në garë.

Garë për 24 vende – vetëm tre mbesin në pikëpyetje

Në total, 27 skuadra garojnë për 24 vende në fazën eliminatore, ndërsa 23 prej tyre kanë mbi 95% gjasa për të siguruar kualifikimin.

Sipas superkompjuterit, fati i kësaj pozite varen kryesisht:

Nga ndeshja Zrinjski vs Lincoln, që shihet si vendimtare për ekipin e fundit që mund të kualifikohet.

Nga udhëtimet e vështira të KuPS dhe Breidablik, që luajnë respektivisht ndaj Crystal Palace dhe Strasburgut, çka u zvogëlon maksimalisht gjasat e mbijetesës.

Ndeshjet e fundit

Drita do të luajë në udhëtim ndaj Rayo Vallecano-s, një test i vështirë por pa presion të madh për kualifikimin.

Shkëndija udhëton te AEK Larnaca, ku do të kërkojë të sigurojë matematikisht kalimin në fazën tjetër.

Me këto parashikime, të dy ekipet shqiptare janë shumë pranë një arritjeje historike në Ligën e Konferencës, duke konfirmuar progresin e futbollit shqiptar dhe kosovar në arenën europiane.