Legjenda argjentinase e futbollit, Lionel Messi, ka arritur një tjetër moment historik në karrierën e tij të jashtëzakonshme, duke shënuar golin e 900-të.

Ky realizim erdhi në minutën e 7-të të përballjes në kuadër të CONCACAF Champions Cup kundër Nashville, duke vulosur edhe një herë statusin e tij si një nga lojtarët më të mëdhenj në historinë e futbollit.

Gjatë karrierës së tij brilante, Messi ka shpërndarë golat mes klubeve ku ka luajtur dhe përfaqësueses së Argjentinës.

Ai ka realizuar 672 gola me FC Barcelona, 32 gola me Paris Saint-Germain dhe 81 gola me Inter Miami.

Ndërkohë, me kombëtaren e Argentina, Messi ka shënuar 115 gola, duke qenë golashënuesi më i mirë në historinë e saj.

Edhe pse tashmë është bërë pjesë e klubit ekskluziv të lojtarëve me 900 gola në karrierë, Messi vijon të ndjekë rekordin absolut të golave, i cili mbahet nga Cristiano Ronaldo.

Sulmuesi portugez ka arritur shifrën prej 965 golash në moshën 41-vjeçare, duke mbetur ende në krye të listës së golashënuesve më të mirë në historinë e futbollit./ AutoPortali