SHBA-ja rikthehet në Kampionatin Botëror të Rally-t pas gati 40 vjetësh.

Knoxville, në shtetin e Tennessee-t, do të jetë qyteti pritës i Rally US, i cili do të zhvillohet më 26–29 gusht 2027, si gara e 11-të e sezonit të WRC-së.

Gara do të përfshijë 15 qarqe në Tennessee dhe Kentucky, me etapa në zhavorr, rrugë pyjore dhe terrene malore. Parku i servisit dhe aktivitetet për tifozët do të organizohen në Knoxville, ndërsa ceremonia e nisjes do të mbahet në Nashville.

Organizatorët presin që gara të sjellë një përvojë të veçantë për tifozët dhe të promovojë sportin motorik në SHBA.

Presidenti i FIA-s, Mohammed Ben Sulayem, e cilësoi rikthimin si një mundësi të rëndësishme për zgjerimin e WRC-së në Amerikën e Veriut dhe për rritjen e interesimit global për rally-n.