Ambasadori i Francës në Kosovë, Olivier Guerot, e ka quajtur si hap të rëndësishëm në tranziconin energjetikë, ankandin e parë solar në Kosovë.
Guerot në një postim në “X” ka shkruar se është kënaqësi të shohësh kompaninë e njohur franceze që është pjesë e akandit.
“Ankandi i parë solar është një hap i rëndësishëm drejt tranzicionit energjetik në Kosovë. Më vjen mirë të shoh kompaninë e njohur franceze AkuoEnergy duke qenë pjesë e ankandit. Një ogur i mirë për marrëdhëniet ekonomike Francë-Kosovë”, ka shkruar ambasadori Guerot.
Ankandi është një proces konkurrues, nëpërmjet të cilit Qeveria do të blejë energji elektrike që gjenerohet nga burimet e ripërtëritshme. E kontrata e ankandit jepet në bazë të çmimit më të ulët të garantuar të blerjes.
Nëpërmjet këtij ankandi pritet që të bëhet instalimi i paneleve me kapacitet të prodhimit të 100 megavateve të energjisë solare, në një vlerë prej 75 milionë eurosh. /Telegrafi/
This first ☀️auction is an important step towards the energy transition 🟢in Kosovo.
Great to see the well-known 🇫🇷 company AkuoEnergy being part of the auction.
A good omen for economic relations 🇫🇷🤝🇽🇰
Good luck @Akuo_Energy https://t.co/jI7Z4Z1ZeQ— Ambassadeur Olivier Guerot (@Olivier_Guerot) February 4, 2024
