Kombëtarja e Anglisë ka publikuar listën e lojtarëve të grumbulluar për dy sfidat e muajit tetor, ku “Tre Luanët” do të përballen me Uellsin dhe Letoninë në kuadër të kualifikueseve për Kampionatin Evropian.

Trajneri Thomas Tuchel, i cili vazhdon të drejtojë skuadrën pas emërimit të tij në krye të pankinës, nuk ka bërë ndryshime të mëdha në grupin e lojtarëve.

Ai ka preferuar të ruajë boshtin kryesor të ekipit, duke mos përfshirë ndonjë emër të ri në listë për këtë grumbullim.

Lajmi më i madh është rikthimi në skuadër i sulmuesit Marcus Rashford, i cili aktualisht aktivizohet me Barcelonën. Pavarësisht formës së luhatur në kampionatin spanjoll, Tuchel i ka besuar sërish 27-vjeçarit, duke i dhënë mundësinë të kontribuojë për kombëtaren.

Ndërkohë, vëmendje tërheq edhe përfshirja e mesfushorit Anderson nga Nottingham Forest, i cili vazhdon të fitojë besimin e stafit teknik falë paraqitjeve të qëndrueshme në Premier League.

Ndeshjet kundër Uellsit dhe Letonisë pritet të jenë një test i rëndësishëm për Anglinë, ndërsa trajneri gjerman kërkon të konsolidojë skuadrën dhe të sigurojë kualifikimin sa më shpejt.