Kontrata e re e Charles Leclerc me Ferrari është një nga temat kryesore në Formula 1. Edhe pse skuadra nuk ka zbuluar detajet zyrtare, vlerësimet e para tregojnë një rritje të madhe të pagës së pilotit nga Monako.

Sipas raportimeve, Leclerc do të fitojë rreth 50 milionë euro në vit, ndërsa shoku i tij i skuadrës Lewis Hamilton ka një kontratë me vlerë rreth 60 milionë euro në vit deri në fund të 2026-ës. Kjo e bën Ferrarin skuadrën që shpenzon më shumë për pilotët në të gjithë Formula 1.

Në total, dyshja Hamilton–Leclerc i kushton Ferrarit rreth 110 milionë euro në vit, duke vendosur një rekord historik në sport.

Në krahasim, Red Bull shpenzon rreth 75 milionë euro për pilotët, ku pjesa më e madhe i shkon Max Verstappen. Ferrari, ndryshe nga rivalët, ka zgjedhur të investojë fuqishëm te dy pilotë me paga shumë të larta, duke dërguar një mesazh të qartë për konkurrencën.