Në tregun e makinave koleksionuese është shfaqur një rast i vërtetë, është në shitje bolidi modeli Jordan 191 me shasinë numër 6.
Bëhet fjalë për modelin që para 35 vitesh e futi në botën e Formula 1 legjendarin Michael Schumacher.
Ky model me ngjyrë të gjelbër karakteristike ka mbetur pothuajse i pandryshuar deri më sot dhe, sipas gjithçkaje, vetëm dikush me mundësi të mëdha financiare do të mund ta shtojë në koleksionin e tij.
Historia e këtij bolidi filloi në pistën Hungaroring, ku Andrea de Cesaris tregoi potencialin e tij duke u ngjitur në renditje dhe duke paralajmëruar forcën e ekipit Jordan.
Megjithatë, momenti historik erdhi më vonë në pistën legjendare Spa-Francorchamps. Pasi piloti Bertrand Gachot përfundoi në burg, shansin e mori Schumacher i ri, i cili la përshtypje të madhe dhe hyri fuqishëm në Formula 1.
🐐 A MICHAEL SCHUMACHER FILM IS COMING!!!
🎬 The Kaiser, portraying the beginning of Michael Schumacher’s career. pic.twitter.com/335SZf6hYO
— La Gazzetta Ferrari (@GazzettaFerrari) April 12, 2026
Interesante është se në vitin 2021 bolidi u rikthye në qendër të vëmendjes kur u ngas në pistën Silverstone Circuit nga Mick Schumacher, djali i legjendës, i cili e përshkroi përvojën si shumë emocionale.
Çmimi i këtij bolidi nuk është bërë publik dhe jepet vetëm me kërkesë, por është e qartë se bëhet fjalë për një shumë prej disa milionë eurosh.
