Ish-shefi i Haas, Guenther Steiner, thotë se George Russell ka avantazh në bisedimet për kontratën e tij me Mercedes për vitin 2026, falë rezultateve të mira dhe mungesës së alternativave të forta për ekipin.

Russell ka fituar dy gara këtë vit (Kanada dhe Singapor) dhe është lider i skuadrës krahas talentit të ri, Kimi Antonelli. Edhe pse marrëveshja duket si formalitet, Steiner beson se Russell po kërkon kushte më të mira dhe kontratë afatgjatë, jo vetëm për një vit.

Sipas Steiner, Mercedes mund të jetë duke mbajtur një vend të lirë për Max Verstappen, nëse ai largohet nga Red Bull pas vitit 2026. Por Russell nuk e sheh si të favorshme një kontratë njëvjeçare ndërkohë që po performon më mirë se çdokush tjetër në ekip.

“George e di vlerën e vet. Nëse nuk e merr kontratën nga Mercedes, do ta marrë diku tjetër”, tha Steiner.