Kombëtarja e Gjermanisë ka shënuar fitore të thellë ndaj Bosnjë e Hercegovinës të shtunën mbrëma në Frajburg me rezultat 7-0.

Frajburgu është qytet që i sjell fat Gjermanisë, pasi sa herë luajnë në atë qytet dhe stadiumin “Europa Park Stadium”, gjermanët kanë fituar me rezultate të ‘çmendura’.

Duke parë të kaluarën, shohim se para ndeshjes me Bosnjë e Hercegovinën, gjermanët luajtën katër herë në Frajburg dhe shënuan 29 gola të pabesueshëm. Gjermania i shënoi tetë gola Lihtenshtajnit, ndërsa Malta, Kuvajti dhe Luksemburgu pësuan nga shtatë herë.

Në total, Gjermania ka arritur të shënojë 36 gola në pesë ndeshjet e zhvilluara në Frajburg, derisa nuk ka pranuar asnjë gol.

Sigurisht që Frajburgu mund të quhet qyteti më me fat për Gjermaninë, pasi ata kanë rezultate të pabesueshme në këtë qytet. Gjermanët vazhdojnë rrugëtimin e tyre në Ligën e Kombeve dhe sot përballen me Hungarinë në Budapest, në orën 20:45.