Xherdan Shaqiri po kalon një formë shumë të mirë te Baseli, ku ka shënuar 5 gola dhe ka dhënë 10 asistime.

Skuadra e tij fitoi 3-1 ndaj Servette në kampionatin zviceran dhe protagonisti kryesor i takimit ishte pikërisht Shaqiri. Mesfushori ofensiv shqiptar shënoi tre gola.

Ai shënoi një gol në pjesën e parë dhe dy gola në pjesën e dytë, duke rikonfirmuar se Basel me të në fushë është super fuqi në futbollin helvet.

33-vjeçari u shpall lojtari më i mirë i ndeshjes, ndërkohë që nga Sofascore mori një notë shumë të lartë, 9.3.