Çmimet e baterive për automjetet elektrike janë vazhdimisht në rënie, dhe çelësi është kërkesa, e cila po rritet.

Sipas një studimi të Agjencisë Ndërkombëtare të Energjisë (IEA), vitin e kaluar, bota kërkoi për herë të parë më shumë se një teravat orë kapacitet baterie, 85 për qind e së cilës u përdor në makinat elektrike.

Më e rëndësishmja, çmimi mesatar i baterive ka rënë nën 100 dollarë për kWh, i nxitur nga çmimet më të ulëta të lëndëve të para, si litiumi, dhe përparimet teknike në prodhim. Rënia e kostove, siç pritej, është më e madhe në Kinë, ku qelizat tani janë 20 deri në 30 për qind më të lira se në Evropë.

Më shumë se 70% e baterive të automjeteve elektrike prodhohen në Kinë, me prodhuesit kryesorë BYD dhe CATL.

Sistemi i baterive të Kinës mbulon të gjitha hapat e zinxhirit të furnizimit, nga minierat dhe rafinimi i mineraleve te pajisjet e prodhimit të baterive, prekursorët dhe komponentët e tjerë, si dhe prodhimin përfundimtar të baterive dhe automjeteve elektrike, shkruan revijahak.hr.

Prodhuesit kinezë kanë favorizuar litium hekur fosfat (LFP), një kimi baterie më e lirë.