Tesla nuk ka ecur mirë kohët e fundit dhe tregu evropian është dëshmi e kësaj. Sipas të dhënave nga Shoqata Evropiane e Prodhuesve të Automobilave (ACEA), Tesla shiti 11,743 makina në shkurt 2025, krahasuar me 22,181 makina në të njëjtin muaj të vitit të kaluar. Në dy muajt e parë të këtij viti, Tesla ka shitur 19,046 vetura, dhe në të njëjtën periudhë të vitit të kaluar, 37,311 automjete.

Këto janë probleme serioze për Tesla-n, një markë që po arrinte ngadalë me konkurrentët premium evropian. Për krahasim, BMW shiti 48,829 automjete në Evropë muajin e kaluar. Ndoshta situata do të përmirësohet pak për Teslën kur të fillojnë dërgesat e Modelit Y të rinovuar.