General Motors ka një plan për makina elektrike më të lira. Bateria e re LMR do ta ulë ndjeshëm çmimin nga viti 2028. Këtë e premton CEO Mary Barra. Teknologjia e re e baterisë është gati të revolucionarizojë të gjithë industrinë e automobilave.

“Do të jetë revolucionare”, tha Mary Barra.

Në SHBA, si Ford ashtu edhe General Motors kanë investuar shumë në teknologji, transmeton AutoPortali.

Qëllimi është të zhvillohet një bateri me dendësi të lartë energjie dhe kosto të ulëta prodhimi. Teknologjia quhet LMR – shkurtim për litium – manganez i pasur. Prodhuesit amerikanë të makinave shpresojnë që bateria LMR do t’i tejkalojë bateritë kineze, duke eliminuar njëkohësisht varësinë e tyre nga materialet nga Kina, shkruan Hak.

Bateria LMR përdor shumë më pak materiale të shtrenjta, ndërsa nikeli dhe kobalti janë hequr pothuajse plotësisht nga formula. Në vend të kësaj, ajo përmban një përqindje më të lartë të manganit. General Motors pretendon se mangani është shumë më i lehtë dhe më i lirë për t’u siguruar. General Motors po zhvillon bateritë e reja së bashku me LG Energy Solutions. Ata kanë formuar një kompani të përbashkët të quajtur Ultium Cells.