Porsche ka zbuluar gjeneratën e re të Cayenne Electric, një SUV i fuqishëm që premton të kombinojë performancën ekstreme me teknologjinë më të avancuar elektrike. Modeli pritet të arrijë në tregun amerikan në mesin e vitit 2026, duke bërë që gjysma e gamës së Porsche të jetë elektrike.

Versioni Cayenne Turbo Electric do të ofrojë mbi 1,000 kuaj fuqi, me përshpejtim nga 0 në 100 km/h për më pak se 3 sekonda dhe shpejtësi maksimale 250 km/h.

Varianti bazë do të ketë mbi 500 kuaj fuqi, ndërsa Cayenne S Electric pozicionohet si kompromisi ideal mes fuqisë dhe manovrueshmërisë.

Të gjitha versionet do të përdorin motorë elektrikë me një marsh dhe bateri litium-jon 108 kWh, që ofron mbi 600 km autonomi sipas standardit WLTP.

Falë teknologjisë 816 volt, SUV-ja karikohet nga 10% në 80% në më pak se 16 minuta, me një kapacitet maksimal prej 400 kW në stacionet më të fuqishme.

Përveç performancës, Porsche ka integruar elementë inovativë aerodinamikë dhe një paketë off-road për terrene të vështira, duke ruajtur ADN-në tradicionale të Cayenne si një makinë sportive dhe praktike njëkohësisht.

Në brendësi, risia kryesore është një ekran i lakuar 12.8 inç i dizajnuar për ergonomi më të mirë, ndërsa pajisjet luksoze përfshijnë çati panoramike me ndriçim të rregullueshëm dhe sedilje me mbështetëse të ngrohta.

Cayenne Electric nuk do të zëvendësojë versionet ekzistuese me benzinë dhe hibride, por do të shënojë hapin e radhës në strategjinë e Porsche për të ofruar të tre opsionet e fuqisë paralelisht edhe gjatë dekadës së ardhshme. /AutoPortali