Qendra Kombëtare për Menaxhim Kufitar ka bërë të ditur përditësimin e fundit sa i përket fluksit të qytetarëve në pikat kufitare të Kosovës.

Sipas të dhënave të publikuara në faqen zyrtare, situata aktualisht është e qetë, si në hyrje, ashtu edhe në dalje të vendit, transmeton AutoPortali.

Pritjet për të hyrë në territorin e Kosovës janë minimale dhe variojnë nga 3 deri në 5 minuta, në të gjitha pikat kufitare.

E njëjta situatë vërehet edhe në drejtim të daljes nga Kosova, ku qytetarët po përballen me pritje të shkurtra, që gjithashtu shkojnë nga 3 deri në 5 minuta.

Ky informacion është bazuar në përditësimin më të fundit nga autoritetet përgjegjëse, i cili është bërë në orën 07:37 të mëngjesit.

Qendra Kombëtare për Menaxhim Kufitar vazhdon të monitorojë në kohë reale fluksin në pikat kufitare dhe u bën thirrje qytetarëve që të informohen përpara udhëtimit për të shmangur vonesat e mundshme.