Policia e Ferizajt ka ndëshkuar dy shoferë që u kapën duke zhvilluar gara shpejtësie në rrugën Gërlicë–Varosh.
Shoferët u kapën duke vozitur me 136 km/h në një zonë ku kufiri i lejuar ishte vetëm 60 km/h, përcjell AutoPortali.
Të dy shoferët u dënuan me gjobë prej 500 eurosh, 5 pikë negative dhe ndalim të drejtës për të ngasur automjetin për 12 muaj.
Policia e Ferizajt bën thirrje te drejtuesit e automjeteve të shmangin garat e shpejtësisë dhe paralajmëron se do të intensifikojë kontrollet në të gjitha rrugët e rajonit për rritjen e sigurisë në trafik.
