Agjencia e Menaxhimit Emergjent i ka bërë thirrje qytetarëve për kujdes të shtuar gjatë dy ditëve në vijim, pasi pritet rrezik i shtuar për vërshime dhe përmbytje në zonat e ulëta e afër lumenjve.

Qytetarët këshillohen të shmangin lëvizjet pranë lumenjve, të mos parkojnë automjetet në zona të rrezikuara dhe të sigurojnë bodrumet nga depërtimi i ujit, përcjell AutoPortali.

Njoftimi i plotë:

 NJOFTIM PËR PARALAJMËRIM TË VËRSHIMEVE

Të nderuar qytetarë,

Sipas parashikimeve të motit dhe rritjes së nivelit të ujërave, ekziston rrezik i shtuar për vërshime në zonat e ulëta dhe pranë lumenjve gjatë orëve në vijim.

Ju lutemi të ndërmerrni këto masa paraprake:

Shmangni lëvizjet pranë lumenjve dhe kanaleve të ujërave.

Mos parkoni automjetet në zona të ulëta ose të rrezikuara.

Siguroni bodrumet dhe hapësirat e brendshme nga depërtimi i ujit.

KRU” Prishtina” me të gjitha kapacitetet teknike dhe humane është në gjendje gatishmërie për t’u dal në ndihmë konsumatorëve.

Ndiqni njoftimet zyrtare dhe udhëzimet nga institucionet përkatëse.

Agjencia e Menaxhimit Emergjent ka dalë me një apel për qytetarët pas paralajmërimit të Institutit Hidrometeorologjik se në dy ditët e ardhshme mund të ketë vërshime dhe përmbytje.