Të martën rreth orës 11:40, ka ndodhur një aksident i rëndë në autostradën “Ibrahim Rugova”.

Rastin për AutoPortalin e ka konfirmuar zëdhënësi i Policisë, Bajram Krasniqi.

Si pasojë e aksidentit, Krasniqi njoftoi se një person ka pësuar lëndime, ndërsa dyshohet për një viktimë.

“Rreth orës 11:40, policia është njoftuar për një aksident trafiku të ndodhur në autostradë drejtimi Prizren-Suharekë kilometri i 32-të. Në aksident është përfshirë një veturë dhe dyshohet se një person është pa shenja jete dhe një tjetër ka pësuar lëndime”.