Alex Marquez tha në Madrid se ngasja e motorit Ducati GP26 në vitin 2026 nuk do të jetë një provë për të fituar një vend në ekipin zyrtar në 2027, por një mundësi për të treguar potencialin e tij.

“Nuk e shoh si vlerësim, por si test për veten. Kjo më jep qetësi”, tha ai.

Pas rezultateve mbresëlënëse me Gresini, Marquez do të ketë vitin tjetër motorin më të fundit të Ducatit, njësoj si Marc Marquez, Bagnaia dhe Di Giannantonio.

Alex siguroi vendin e dytë në kampionatin e 2025-s, pas vëllait të tij Marc, dhe e quajti këtë rezultat “të veçantë” pas vështirësive që kaloi te Honda dhe rilindjes me Gresini.

“Marc nuk është i pamposhtur, por ta mundësh në 22 gara është shumë e vështirë”, shtoi ai.