Aprilia thotë se ka “tejkaluar objektivat” në sezonin MotoGP 2025, pasi arriti rezultatet më të mira në historinë e saj dhe sfidoi seriozisht Ducati-n në fund të vitit.

Modeli i përmirësuar RS-GP dhe ardhja e Marco Bezzecchi-t sollën fitore të rëndësishme, përfshirë dy triumfe radhazi në Portimao dhe Valencia. Edhe Raul Fernandez fitoi në Australi, duke kompletuar 1–2-shin e parë për Aprilia-n pas dy vitesh.

Pavarësisht mungesave të Jorge Martin dhe Ai Ogura-s, Aprilia arriti të mposhtë KTM-n dhe të përfundojë e dyta në kampionatin e konstruktorëve, rezultati më i mirë i saj në MotoGP.

Shefi teknik Fabiano Sterallacchini tha se ekipi realizoi më shumë seç kishte parashikuar: “Objektivi ynë ishte të luftonim për top 5-shen dhe të ishim prodhuesi i dytë. Në fund, e tejkaluam”.

Ai shtoi se krahasimi kryesor nuk është vetëm me Ducati-n, por me përmirësimin e vazhdueshëm të motorit të Aprilia-s. Testet në Valencia treguan progres në aerodinamikë dhe shasi, dhe ekipi synon të nisë sezonin 2026 në të njëjtin nivel të lartë ku e mbylli 2025-ën.