Autoritetet turke kanë ndaluar presidentin e Fenerbahçes, Sadettin Saran, pas rezultateve pozitive në një test narkotik.

Ndërhyrja u krye nga Policia e Stambollit në kuadër të një hetimi në zhvillim.

Sipas njoftimit të Zyrës së Kryeprokurorit Publik të Stambollit, masa e ndalimit erdhi pas mbledhjes së provave shtesë që lidhen me çështjen.

Burime zyrtare bëjnë të ditur se hetimi përfshin dyshime për sigurim të lëndëve narkotike si dhe përdorim personal të tyre.

Institucionet ligjzbatuese kanë konfirmuar se procedurat hetimore janë ende në vazhdim, ndërsa priten zhvillime të reja dhe vendime të mëtejshme ligjore në ditët në vijim./AutoPortali