Mikel Arteta deklaroi se Arsenali mposhti “skuadrën më të mirë në Evropë” pas triumfit 3-1 kundër Bayern Munichut në ndeshjen kryesore të kësaj jave në Champions League.
Arsenali siguroi tre pikë të rëndësishme falë golave në pjesën e dytë nga Noni Madueke dhe Gabriel Martinelli, duke ruajtur kreun e grupit dhe njëkohësisht edhe lidershipin në Premier League.
Më herët, Jurrien Timber kishte kaluar vendasit në epërsi me gol me kokë.
Bayerni barazoi me anë të 17-vjeçarit Lennart Karl, i cili shënoi golin e parë që Arsenal pëson këtë sezon në Champions, ndërsa Harry Kane nuk arriti të gjente rrjetën në rikthimin e tij në Emirates.
Madueke, i rikthyer pas një mungese dy-mujore për shkak të dëmtimit në gju, shënoi golin e tij të parë për Arsenalin, ndërsa Martinelli shfrytëzoi një gabim të portierit Manuel Neuer për të vulosur fitoren e pestë radhazi të londinezëve në këtë garë.
“Lojtarët zhvilluan një ndeshje të jashtëzakonshme kundër, sipas mendimit tim, skuadrës më të mirë në Europë. Energjia në stadium dhe cilësia e lojës ishin të jashtëzakonshme,” u shpreh ai.
Trajneri theksoi se pavarësisht rezultateve të mira, gara sapo ka nisur dhe ekipi duhet të ruajë ritmin.
“Nuk patëm të njëjtin intensitet. Është humbja jonë e parë këtë sezon, por nuk ka vend për panik,” tha sulmuesi anglez.
Trajneri i Bayern Munichut, Vincent Kompany, pranoi epërsinë e Arsenalit në këtë ndeshje:
“Arsenali e meritoi fitoren. Në pjesën e dytë kishin më shumë qëllim dhe mprehtësi,” deklaroi ai. /AutoPortali
