Makina super sportive R8 pritet të kthehet në fund të vitit 2027, shkruan Autocar.

Me sa duket, gjithçka tashmë është firmosur nga CEO i kompanisë, Gernot Döllner.

Thashethemet qarkullojnë se modeli i gjeneratës së ardhshme do të jetë një hibrid plug-in i bazuar në motorin V8 që R8 do të ndajë me Lamborghini Temerario. Ndërsa R8 i mëparshëm u zhvillua paralelisht me Gallardo dhe Huracán, modeli i ri do të arrijë vite pas Temerario.

Temerario standard ka 920 kuaj fuqi, të cilën e arrin përmes një kombinimi të një V-8 4.0-litërsh me dy turbo dhe tre motorë elektrikë. Modeli i Audi-t ka kuptim sepse platforma është tashmë e disponueshme dhe nuk është e vështirë të krijosh një automjet të ri mbi të dhe nuk kërkon kosto të tepërta financiare.

Audi po kërkon të lëvizë edhe më thellë në segmentin premium, duke tarifuar më shumë për makinat luksoze me ambiente të brendshme më të bukura, ndërkohë që pranon rrezikun e shitjes së më pak makinave. Ringjallja e R8 do të përputhej në mënyrë të përkryer me strategjinë e shpallur.