Jude Bellingham dhe Caroline Graham Hansen janë votuar si lojtarët më të mirë të sezonit të kaluar në Spanjë.

Mesfushori i avancuar i Realit tw Madridit dhe mesfushorja e Barcelonës do të marrin çmimin të hënën (më 25 nëntor) gjatë mbrëmjes gala të AFE Awards, e cila do të mbahet në Las Ventas, Madrid.

Kjo gala është organizuar nga AFE (Sindikatat e Futbollistëve Spanjollë) dhe ka për qëllim nderimin e protagonistëve të sezonit të fundit në futbollin spanjoll, si për kategorinë e meshkujve ashtu edhe atë të femrave.

Votimi është kryer nga vetë lojtarët e kampionateve përkatëse, të cilët vendosën që Bellingham të pasojë Vinicius si fitues.