Real Federacion Espanola de Futbol ka zyrtarizuar datën dhe stadiumin ku do të zhvillohet finalja e Copa del Rey për sezonin 2025/26.
Finalja e madhe do të luhet të shtunën, më 18 prill, në stadiumin Estadio de La Cartuja në Sevilla, me fillim nga ora 21:00.
Ky do të jetë viti i shtatë radhazi që ndeshja për trofeun e Kupës së Mbretit organizohet në këtë impiant, i cili tashmë është kthyer në shtëpinë tradicionale të finales.
Në garë për trofeun e këtij edicioni mbeten katër skuadra të mëdha të futbollit spanjoll: FC Barcelona, Atlético Madrid, Athletic Bilbao dhe Real Sociedad.
Në ndeshjen e parë gjysmëfinale, Atlético Madrid regjistroi një fitore bindëse 5-0 ndaj Barcelonës, duke hedhur një hap të madh drejt finales.
Ndërkohë, Real Sociedad arriti të fitojë minimalisht 1-0 përballë Athletic Bilbaos, duke e lënë të hapur çështjen e kualifikimit për ndeshjen e kthimit.
𝗟𝗮 𝗖𝗼𝗽𝗮 𝗱𝗲𝗹 𝗥𝗲𝘆 𝗠𝗮𝗽𝗳𝗿𝗲 𝘃𝗶𝘃𝗶𝗿𝗮́ 𝘀𝘂 𝗴𝗿𝗮𝗻 𝗳𝗶𝗻𝗮𝗹 𝗲𝗹 𝘀𝗮́𝗯𝗮𝗱𝗼 𝟭𝟴 𝗱𝗲 𝗮𝗯𝗿𝗶𝗹
El partido se disputará a las 21:00 horas en el estadio La Cartuja de Sevilla.
ℹ️ Más info: https://t.co/9KbHY8mpbV#CopaDelReyMapfre | #LaCopaMola🏆 pic.twitter.com/o90qPIYFH2
— RFEF (@rfef) February 18, 2026
Finalja e 18 prillit pritet të sjellë një përballje spektakolare, me një nga gjigantët e futbollit spanjoll që do të synojë të ngrejë lart trofeun prestigjioz në “La Cartuja”. /AutoPortali
