City pret Dortmundin në “Etihad”, ndërsa Interi e Barcelona kërkojnë fitore të radhës

Champions League rikthehet sonte me plot nëntë ndeshje emocionuese, ku pritet spektakël dhe gola në disa prej stadiumeve më të njohura të Europës.

Vëmendja kryesore do të jetë në “Etihad Stadium”, ku kampioni në fuqi Manchester City pret Borussia Dortmundin.

Skuadra e Pep Guardiolës kërkon të vazhdojë formën e mirë, ndërsa gjermanët do të synojnë surprizën përballë një rivali që rrallë gabon në shtëpi.

Programi nis që në orën 18:45 me dy përballje interesante, Pafos – Villarreal dhe Qarabag – Chelsea.

Të dyja takimet pritet të jenë të zjarrta, pasi skuadrat kërkojnë pikë të vlefshme për të qëndruar në garë për kualifikim.

Në mbrëmje, një tjetër ndeshje që premton spektakël është ajo në “St. James’ Park”, ku Newcastle United pret Athletic Bilbaon.

“Qymyrxhinjtë” do të kërkojnë të shfrytëzojnë përkrahjen e tifozëve për të marrë një fitore të rëndësishme ndaj baskëve që kanë treguar formë solide.

Ndërkohë, Interi dhe Barcelona, dy prej emrave më të mëdhenj të futbollit evropian, do të kërkojnë fitore të radhës ndaj Kairat Almaty dhe Club Brugge.

Një sukses do t’i afronte edhe më shumë me fazën e eliminimit direkt.

Në mbrëmjen e sotme pritet futboll i nivelit të lartë, me yje si Haaland, De Bruyne, Lewandowski e Lautaro Martínez që do të jenë në qendër të vëmendjes. /AutoPortalia